ધી મેસેજ દૈનિક

વડાપ્રધાનશ્રીને આવકારવા યાત્રાધામ અંબાજીએ નવા કલેવર ધારણ કર્યાઃ શક્તિપીઠ સર્કલથી ગબ્બર સુધી રંગબેરંગી રોશનીથી  સર્જાયો અદ્દભૂત નજારો અંબાજીમાં ઉજવણીનો માહોલઃ અંબાજી ગબ્બર રોડ પર કલાત્મક શિલ્પો ગોઠવી સુંદર રોશનીની સજાવટથી અંબાજી નયનરમ્ય બન્યું વડાપ્રધાનશ્રી નરેન્દ્રભાઈ મોદી તા. ૩૦ સપ્ટેમ્બર, શુક્રવારના રોજ બનાસકાંઠા જિલ્લાના પ્રસિધ્ધ યાત્રાધામ અંબાજી ખાતે પધારી વિવિધ વિકાસકાર્યોના ખાતમુહૂર્ત- લોકાર્પણ કરવાના છે ત્યારે વડાપ્રધાનશ્રીને આવકારવા યાત્રાધામ અંબાજીએ નવા કલેવર ધારણ કર્યા છે. અંબાજી શક્તિપીઠ સર્કલથી ગબ્બર મહાઆરતીમાં જવાના રસ્તા પર રંગબેરંગી રોશનીથી અદ્દભૂત નજારો સર્જાયો છે. હાલ આદ્યશક્તિ મા અંબા ની આરાધનાનું નવરાત્રિ પર્વ ચાલી રહ્યું છે ત્યારે શક્તિના ઉપાસક વડાપ્રધાનશ્રી નરેન્દ્રભાઇ મોદી મા અંબા ના દર્શન પણ કરવાના છે. મા અંબાના દર્શન કરી વડાપ્રધાનશ્રી ગબ્બર પર્વત ખાતે યોજાનાર મહાઆરતીમાં ભાગ લેવાના છે ત્યારે અંબાજીમાં ઉજવણીનો માહોલ સર્જાયો છે. અંબાજી ગબ્બર રોડ પર શિલ્પોત્સવ દરમ્યાન સાપ્તિેના શિલ્પકારો દ્વારા તૈયાર કરવામાં આવેલ કલાત્મક શિલ્...

વિરમપુર લોકનિકેતન આશ્રમશાળામાં દૂધ સંજીવની યોજના બાળકો માટે આશીર્વાદરૂપ બાળકોમાં સ્વચ્છતાના ગુણો કેળવાય તે માટે દૂધના ખાલી પાઉચને ફેંકી દેવાના બદલે એકત્રિત કરી રિસાયકલિંગમાં આપી દેવાની શાળાની અનોખી પહેલ બનાસકાંઠા જિલ્લાના અમીરગઢ તાલુકાના વિરમપુરની લોકનિકેતન આશ્રમશાળામાં દૂધ સંજીવની યોજનાના અમલીકરણની સાથે સાથે પ્લાસ્ટિકના રિસાયકલિંગની અનોખી પહેલ થકી પ્લાસ્ટિક મુક્ત અભિયાનને પ્રેરણા આપવાનું પ્રેરણાદાયી કામ થઇ રહ્યું છે. ગાંધી મૂલ્યોને વરેલી લોકનિકેતન વિરમપુર આશ્રમશાળામાં દૂધ સંજીવની યોજના હેઠળ આપવામાં આવતા દૂધના ખાલી પાઉંચને ફેંકી દેવાના બદલે વ્યવસ્થિત રીતે એકત્ર કરવામાં આવે છે અને આ ખાલી પાઉચને પ્લાસ્ટિકના રિસાયકલિંગમાં ઉપયોગમાં લેવાય એ રીતે વેચાણ કરવામાં આવે છે. બાળકોમાં સ્વાસ્થ્ય પ્રત્યેની સજાગતા સાથે સ્વચ્છતા જાળવણીના સંસ્કારો બચપણથી મળી રહે એ માટેની આ વ્યવસ્થા અન્ય શાળાઓ માટે પણ અનુકરણીય પહેલ અને પ્રેરણારૂપ બની રહી છે. ધોરણ-૮ માં અભ્યાસ કરતી વિદ્યાર્થીની દિવાળીબેન પનાભાઈ ચૌહાણે જણાવ્યું હતું કે, દૂધ સંજીવની હેઠળ આપવામાં આવતું દૂધ ખૂબ સારું આવે છે. આનાથી અમારા...

ગઢ અને જલોત્રા ખાતે નવીન ગ્રામહાટનું જિલ્લા વિકાસ અધિકારી સ્વપ્નિલ ખરેના હસ્તે લોકાર્પણ ગ્રામહાર્ટ માધ્યમથી કૃષિ આધારિત ખેત પેદાશોને મળશે નવું બજાર વિકાસની આંધળી દોટમાં પ્રાકૃતિક ખેતી ભુલાઈ રહી છે ત્યારે વડાપ્રધાનશ્રી નરેન્દ્રભાઇ મોદી અને રાજ્યના રાજ્યપાલશ્રી આચાર્ય દેવવ્રતજી દ્વારા પ્રાકૃતિક ખેતીને પ્રોત્સાહન આપવા અને વધુમાં વધુ ખેડૂતો પ્રાકૃતિક ખેતી તરફ આગળ વધે એ માટેની યોજના જાહેર કરવામાં આવેલી છે. બનાસકાંઠા જિલ્લો પ્રાકૃતિક સંપદા ધરાવતો જિલ્લો છે. જિલ્લાના પ્રાકૃતિક ખેતી કરતા ખેડૂતોને બજાર મળી રહે અને તેમના દ્વારા ઉત્પાદિત ચીજ વસ્તુઓનું ડાયરેક્ટ વેચાણ થાય એ હેતુસર ગ્રામહાટનું નિર્માણ કરવામાં આવ્યું છે. વડાપ્રધાનશ્રી નરેન્દ્રભાઈ મોદી દ્વારા ખેડૂતોની આવક બમણી કરવાની દિશામાં સરાહનીય પગલાં લેવામાં આવ્યાં છે. પ્રાકૃતિક કૃષિથી ખેડૂતોની આવક ડબલ કરવાના ઉપદેશને સાર્થક કરવાના ભાગરૂપે બનાસકાંઠા જિલ્લાના વિવિધ તાલુકાઓમાં મનરેગા યોજના હેઠળ પ્રાકૃતિક કૃષિ આધારિત પેદાશોના વેચાણ અર્થે જિલ્લામાં અંદાજીત ૩૦ લાખના ખર્ચે છ સ્થળોએ ગ્રામહાટ બનાવવામાં આવી છે. જે અંતર્ગત પાલનપુર તાલુકાના ગઢ અ...

પ્રધાનમંત્રી આવાસ યોજનામાં પાકું ઘર મેળવતા બનાસકાંઠા જિલ્લાના લાભાર્થીઓ વડાપ્રધાન પ્રત્યે આભાર વ્યક્ત કર્યો પ્રધાનમંત્રી આવાસ યોજનામાં પાકુ ઘર મળતા વડાપ્રધાનશ્રી નરેન્દ્રભાઇ મોદીનો આભાર માની રહ્યા છે. આ યોજનાના આંબલીયાળ ગામના લાભાર્થીશ્રી કરસનભાઈ રામજીભાઈ પ્રજાપતિએ જણાવ્યું કે મારે પહેલા પતરાવાળું જૂનું ઘર હતું તેથી વરસાદમાં બહુ તકલીફ પડતી હતી. હવે મને પ્રધાનમંત્રી આવાસ યોજનાનો લાભ મળ્યો છે એટલે મેં નવું મકાન બનાવ્યું છે. સરકારે આ મકાન બનાવવાની સહાય આપતા હવે હું મારા પરિવાર સાથે નવા મકાનમાં રહું છું એટલે વરસાદની ઋતુમાં કોઇપણ પ્રકારની તકલીફ પડતી નથી. શ્રી કરશનભાઇએ કહ્યું કે, આપણા વડાપ્રધાન શ્રી નરેન્દ્રભાઇ મોદી સાહેબનો આભાર માનું છું કે અમને આવું સરસ ઘર બનાવવા માટે સહાય આપી છે. પ્રધાનમંત્રી આવાસ યોજનાના મેરવાડા ગામના લાભાર્થીશ્રી અમથીબેન સુરાજી ચૌહાણે જણાવ્યું કે, અમારું જૂનું નળીયાવાળું મકાન હતું. સરકારે અમને ધાબાવાળુ પાકુ મકાન બનાવવા સહાય આપી છે તે બદલ સરકારશ્રીનો ખુબ ખુબ આભાર માનું છું. વડગામ તાલુકાના પીલુચા ગામના લાભાર્થીશ્રી વિજયકુમાર લાલજીભાઈ રામાન્સીએ જણા...

વડાપ્રધાન મોદીની મુલાકાતને અનુલક્ષી મુખ્યમંત્રીશ્રીએ અંબાજીની મુલાકાત લીધી મુખ્યમંત્રી ભૂપેન્દ્ર પટેલે અંબાજી મંદિરમાં દર્શન કરી વડાપ્રધાનશ્રીના કાર્યક્રમ સંદર્ભે ગબ્બર અને સભાસ્થળનું નિરીક્ષણ કર્યું પ્રધાનમંત્રીશ્રી નરેન્દ્રભાઈ મોદી આગામી 30 સપ્ટેમ્બરના રોજ બનાસકાંઠા જિલ્લાના અંબાજી ખાતે વિવિધ વિકાસકાર્યોના ખાતમુહૂર્ત - લોકાર્પણ કાર્યક્રમમાં ઉપસ્થિત રહેવાના છે.જેને અનુલક્ષીને મુખ્યમંત્રીશ્રી ભૂપેન્દ્રભાઈ પટેલે આજે અંબાજી ખાતે મંદિરમાં દર્શન કરી, કાર્યક્રમની તૈયારીઓની સમીક્ષા કરી હતી. મુખ્યમંત્રીશ્રીએ વહીવટીતંત્રના ઉચ્ચ અધિકારીઓ સાથે બેઠક યોજી કાર્યક્રમની તૈયારીઓ અંગે વિગતો મેળવી જરૂરી સૂચનો કર્યા હતા. મુખ્યમંત્રીશ્રીએ વડાપ્રધાનશ્રીના કાર્યક્રમ સંદર્ભે ગબ્બર લાઇટ એન્ડ સાઉન્ડ શો અને હડાદ રોડ પર ચીખલા ખાતે યોજાનાર સભાસ્થળનું નિરીક્ષણ કર્યુ હતું. આ પ્રસંગે શ્રી આરાસુરી અંબાજી માતા દેવસ્થાન ટ્રસ્ટના ચેરમેન કમ બનાસકાંઠા કલેક્ટરશ્રી આનંદ પટેલે વડાપ્રધાનશ્રીના કાર્યક્રમ અંગે મુખ્યમંત્રીશ્રીને વિગતવાર માહિતી આપી હતી. મુખ્યમંત્રીશ્રીની મુલાકાત પ્રસંગે જિલ્લાના પ્રભારી મં...

અમીરગઢ પોલીસ મથકના નવનિયુક્ત પીઆઈ એમ. આર. બારડ દ્વારા ઈકબાલગઢની  શુભેચ્છા મુલાકાત અમીરગઢ તાલુકાના પોલીસ સ્ટેશનમાં નવનિયુક્ત PI એમ. આર. બારડનું પોસ્ટિંગ થતા  ઈકબાલગઢની અગ્રસેન ધર્મશાળા ખાતે શુભેચ્છા મુલાકાત તેમજ ચૂંટણીલક્ષી મિટિંગ નું આયોજન કરવામાં આવેલ. જેમાં PI દ્વારા જણાવવામાં આવ્યું કે પોલીસ સમયસર પ્રજા લક્ષી કામગીરી કરતી હોઈ છે. અને હંમેશા પ્રજાના પ્રશ્નો સાંભળી તેમને ન્યાય અપાવવાની કોશિશ કરતી હોય છે. પ્રજા દ્વારા પણ પોલીસને સાથે સહકાર આપવામાં આવે તેવી આશા રહેલ છે. જયારે ગ્રામજનો દ્વારા ઈકબાલગઢ બજારમાં ટ્રાફિકને લગતી સમસ્યાઓનું નિરાકરણ કરવામાં આવે તેવી રજુઆતો કરવામાં આવી હતી. આ પ્રસંગે PI એમ. આર. બારડ દ્વારા આવનાર ચૂંટણીમાં લગતી બાબતોની પણ ચર્ચા કરવામાં આવી હતી. આ કાર્યક્રમમાં ઈકબાલગઢ પંચાયતના સરપંચ તેમજ અમીરગઢ ભાજપ તાલુકાના પ્રમુખ પ્રવીણભાઈ પ્રજાપતિ, APMC ચેરમેન મોતીભાઈ દેસાઈ, ઈકબાલગઢ પંચાયત ડે. સરપંચ સાબિરભાઈ શેખ. કિરણસિંહ, પ્રભુદયાલ અગ્રવાલ,  અમીરગઢ તાલુકાના ભાજપ મહામંત્રી ભગવાનજી ઠાકોર, શક્તિ કેન્દ્ર પ્રમુખ પોપટજી ઠાકોર, સદીક ભાઈ સિંધી તેમજ નામી અ...

બનાસ ડેરીના બાયો CNG પ્રોજેક્ટમાં મારુતિ સુઝુકી કંપનીએ દાખવ્યો રસ બનાસ ડેરીના ચેરમેન શંકરભાઈ ચૌધરી સાથે મારુતિ સુઝુકી કંપનીના ડિરેક્ટર અને જાપાની અધિકારીઓની મીટીંગ યોજાઈ એશિયાની સૌથી મોટી બનાસ ડેરી દ્વારા પશુઓના છાણમાંથી દેશનો પ્રથમ બાયો સી.એન.જી પ્લાન્ટ શરુ કરવાનો જે સફળ નવતર પ્રયોગ કરવામાં આવ્યો છે, એમના આ નવતર પ્રયોગથી પ્રેરિત થઈને જાપાનની સુઝુકી કંપનીના ડિરેક્ટર અને વરિષ્ઠ અધિકારીઓએ બનાસ ડેરીના બાયો CNG પ્લાન્ટની મુલાકાત કરી હતી અને ચેરમેન શંકરભાઈ ચૌધરી સાથે મીટીંગ યોજીને સવિસ્તાર ચર્ચા કરી હતી. પાંચ મહિનામાં મારુતી સુઝીકી કંપનીના અધિકારીઓની આ બીજી મુલાકાત છે, જે દર્શાવે છે કે બનાસ ડેરી માત્ર ભારત જ નહિ પણ વિશ્વના અન્યો દેશોને પોતાના કામથી પ્રેરિત કરી રહી છે. પશુપાલક અને ખેડૂતોની આવક ડબલ કરવાના વડાપ્રધાન શ્રી નરેન્દ્રભાઈ મોદીજીના સ્વપ્નને સાકાર કરવાના પ્રયાસરૂપે બનાસ ડેરીના ચેરમેન શ્રી શંકરભાઇ ચૌધરીના નેતૃત્વમાં આ સાહસ કરવામાં આવ્યું હતું.  છાણમાંથી પશુપાલકોને આવક આપવાના ઉમદા અભિગમ સાથે શરુ કરાયેલ બનાસ બાયો CNG પ્લાન્ટ અને એમાં વપરાયેલ ટેક્નોલોજીનો સવિસ્...

વડાપ્રધાન નરેન્દ્ર મોદીની અંબાજીની મુલાકાત સંદર્ભે અધિકારીઓની બેઠક યોજાઈ પ્રધાનમંત્રીશ્રીના કાર્યક્રમને ગરિમાપૂર્ણ બનાવવા માટે કલેકટરશ્રીએ વિવિધ સમિતિઓની રચના કરી અધિકારીઓનું માર્ગદર્શન કર્યું  વડાપ્રધાનશ્રી નરેન્દ્રભાઈ મોદી આગામી 30 સપ્ટેમ્બરના રોજ બનાસકાંઠા જિલ્લાના વિશ્વપ્રસિદ્ધ યાત્રાધામ અંબાજી ખાતે પધારનાર હોઇ જિલ્લા કલેક્ટરશ્રી આનંદ પટેલે જિલ્લાના અધિકારીઓ સાથે કાર્યક્રમની તૈયારીઓ માટે બેઠક યોજી હતી. જેમાં કલેક્ટરશ્રીએ વિવિધ વિભાગો અને અધિકારીઓને કાર્યક્રમના સુચારૂ આયોજન માટે માર્ગદર્શન આપી સૂચનો કર્યા હતા. પ્રધાનમંત્રીશ્રી નરેન્દ્રભાઈ મોદીનો અંબાજી ખાતેનો કાર્યક્રમ ગરિમાપૂર્ણ અને આયોજનબદ્ધ રીતે થાય એ માટે જિલ્લા કલેક્ટરશ્રી દ્વારા વિવિધ સમિતિઓની રચના કરીને અધિકારીઓને કામગીરી સોંપવામાં આવી છે. કલેક્ટરશ્રી આનંદ પટેલે વિવિધ સમિતિના અધ્યક્ષ અને સભ્યો સાથે તેમને સુપ્રત કરેલ કામગીરીની મીટીંગમાં વિસ્તૃત ચર્ચા કરી હતી તથા તમામ અધિકારીઓને તેમને સોંપવામાં આવેલ જવાબદારી પૂરતી કાળજી અને તકેદારીપૂર્વક નિભાવવા સૂચન કર્યું હતું. કલેકટરશ્રીએ કાર્યક્રમ સ્થળે સુશોભન, વીજ પુરવઠો, મ...

શિક્ષણની વિસ્તરતી ક્ષિતિજ પરનું ઇન્દ્રધનુષ: રહેવા જમવા સાથે શિક્ષણની આધુનિક સુવિધાથી સજ્જ ગઢ મહુડીની કન્યા સાક્ષરતા નિવાસી શાળા ‌ ડુંગરાળ વિસ્તારની ગઢ મહુડી કન્યા સાક્ષરતા નિવાસી શાળામાં ૪૦૦ જેટલી આદિજાતિ દીકરીઓના ઉજ્જવળ ભવિષ્યનું નિર્માણ થઇ રહ્યું છે બનાસકાંઠા જિલ્લાના આદિજાતિ બાહુલ્ય ધરાવતા વિસ્તારમાં દીકરીઓ શિક્ષણથી વંચિત ન રહે તેમજ આદિજાતિની કન્યાઓના સાક્ષરતા દરમાં નોંધપાત્ર સુધારો લાવવા અને ડ્રોપ આઉટ ઘટાડી કન્યા શિક્ષણને વેગ આપવા માટે 5 કન્યા સાક્ષરતા નિવાસી શાળા કાર્યરત છે. જેમાં 1840 જેટલી આદિજાતિ દીકરીઓ ધોરણ- 6 થી 12 સુધીનું વિનામૂલ્યે શિક્ષણ, રહેઠાણ, પુસ્તકો, ગણવેશ અને ભોજન વગેરેની સુવિધા મેળવી ભાવિ ઘડતરની દિશામાં આગળ વધી રહી છે. દાંતા તાલુકાના ગઢ મહુડી ગામમાં આવેલી કન્યા સાક્ષરતા નિવાસી શાળા આ વિસ્તારમાં વસતા આદિજાતિ પરિવારોની દીકરીઓ માટે આશીર્વાદરૂપ છે. ડુંગરાળ પહાડો, વહેતાં ઝરણાં અને નર્યા નૈસર્ગિક સૌદર્ય વચ્ચે આવેલી શાળા કોઈ હિલસ્ટેશન પરના પર્યટન સ્થળ જેવી લાગે છે. શાળાનું આધુનિક મકાન, છાત્રાલય અને વનરાજી ખરેખર મનમોહી લે એવી તો છે જ પરંતુ શાળામાં અપ...

રાજ્ય સરકારનો FHW,FHS, MPHW અને MPHS કર્મીઓ માટે મહત્વપૂર્ણ નિર્ણય આરોગ્ય અને પંચાયત વિભાગના હેલ્થ વર્કર કર્મચારીઓના પગારમાં માસિક રૂ.૪ હજારનો વધારો કરાયો હેલ્થ વર્કર કર્મીઓને ૧૩૦ દિવસનો કોવિડ ડયુટીનો રજા પગાર અપાશે PTA ફેરણી ભથ્થા અંગેની આ કર્મચારી મંડળની માંગ સ્વીકારીને ૮ કિ.મીની મર્યાદા દૂર કરાઈ સાતમા પગાર પંચ મુજબના ભથ્થાના લાભ સહિતના તાજેતરમાં કર્મચારીહિતલક્ષી લેવાયેલા નિર્ણયો અંતર્ગત ઠરાવો આગામી ત્રણ દિવસમાં થઈ જશે આ કર્મચારીઓ ફરજ પર ગેરહાજર હોવાથી રાજ્યના ગરીબ અને જરૂરતમંદ નાગરિકોને આરોગ્યલક્ષી સેવાઓમાં અસર થઈ રહી છે : શુક્રવારથી જ ફરજ પર જોડાઈ જવા મંત્રીશ્રીની અપીલ પ્રવકતા મંત્રી શ્રી જીતુભાઈ વાઘાણીએ જણાવ્યું છે કે, કર્મચારીઓ સરકારનું અભિન્ન અંગ છે અને રાજ્ય સરકારે કર્મચારીઓના હિતમાં અનેકવિધ નિર્ણયો પણ લીધા છે. મુખ્યમંત્રી શ્રી ભૂપેન્દ્રભાઈ પટેલના માર્ગદર્શન હેઠળ આજે વધુ એક નિર્ણય લેવામાં આવ્યો છે. છેલ્લા ૪૨ દિવસથી આરોગ્ય અને પંચાયત વિભાગ હસ્તકના FHW,FHS, MPHW અને MPHS કર્મીઓ ફરજ ઉપર ગેરહાજર રહ્યા હોવાથી રાજ્યના ગરીબ અને જરૂરતમંદ સામાન્ય નાગરિકોને આરોગ્યલક્ષી સેવાઓમાં ખૂબ જ માઠ...

વડગામ માર્કેટયાર્ડની ચૂંટણીમાં વર્તમાન ચેરમેન કે. પી. ચૌધરીની પેનલના તમામ ઉમેદવારોનો વિજય:  ભાજપ પ્રેરિત પેનલના ઉમેદવારોની કારમી હાર (તસવીર: યાકુબ બિહારી) વડગામ માર્કેટયાર્ડમાં યોજાયેલી રસાકસી ભરેલી ચૂંટણીનું પરિણામ બુધવારના રોજ જાહેર થતાં વર્તમાન ચેરમેન કે. પી. ચૌધરીની પેનલના તમામ ઉમેદવારોનો ભવ્ય વિજય થયો હતો. જ્યારે ભાજપ પ્રેરિત પરિવર્તન પેનલના ઉમેદવારોની કારમી હાર થતા તેમની છાવણીમાં સોપો પડી જવા પામ્યો હતો. વર્તમાન ચેરમેન કે. પી. ચૌધરીની પેનલના તમામ ઉમેદવારો બહુમતીથી ચૂંટાઈ આવતા કે. પી. ચૌધરીની આગેવાની હેઠળ વિજય સરઘસ કાઢવામાં આવ્યું હતું.   અત્રે ઉલ્લેખનીય છે કે, વડગામ માર્કેટયાર્ડના ૧૭ સભ્યોની ચૂંટણી અગાઉ વર્તમાન ચેરમેન કે. પી. ચૌધરીની પેનલના ૩ ઉમેદવારો બિનહરીફ ચૂંટાયા હતા. જ્યારે બાકીના ૧૪ ઉમેદવારો વચ્ચે ૨૦મી સપ્ટેમ્બરે મતદાન યોજવામાં આવ્યું હતું. જેની મતગણતરી બુધવારે માર્કેટયાર્ડના હોલમાં કરવામાં આવી હતી. જેમાં પુનરાવર્તન પેનલના તમામ ૧૪ ઉમેદવારોનો જંગી મતોથી વિજય થયો હતો અને ભાજપ પ્રેરિત પરિવર્તન પેનલના તમામ ઉમેદવારોની કારમી હાર થઇ હતી. પરિણામ જાહેર થયા બાદ ...

ચાહકોને હસાવનારા રાજુ શ્રીવાસ્તવ આખરે ચાહકોને રડાવી ગયા... પોતાની કોમેડીથી દુનિયામાં ધૂમ મચાવનાર રાજુ શ્રીવાસ્તવ હવે આપણી વચ્ચે નથી.  દિલ્હીની AIIMSમાં 42 દિવસ સુધી જીવન સામે લડ્યા બાદ 21 સપ્ટેમ્બર બુધવારે સવારે 58 વર્ષની વયે તેમનું અવસાન થયું.  રાજુ શ્રીવાસ્તવને 10 ઓગસ્ટના રોજ કાર્ડિયાક અરેસ્ટ બાદ AIIMSમાં દાખલ કરવામાં આવ્યા હતા.  ત્યારથી તેઓ કોમામાં હતા અને ICUમાં વેન્ટિલેટર પર હતા.  જો કે, તેમના શરીરમાં ઘણી વખત હલનચલન થઈ હતી, પરંતુ તે ભાનમાં આવી શક્યા ન હતા.  રાજુ શ્રીવાસ્તવના નિધનના સમાચારથી ઈન્ડસ્ટ્રી અને તેના ચાહકો વચ્ચે શોકનું વાતાવરણ સર્જાયું છે.  આ સમયે રાજુ શ્રીવાસ્તવના પરિવારમાં શોકનો માહોલ છે.  દરરોજ, દરેક ક્ષણ, દરેકને આશા હતી કે એક દિવસ રાજુ શ્રીવાસ્તવ તેમની આંખો ખોલશે, ચેતના આવશે અને ગજોધર બનીને ફરીથી બધાને હસાવશે.  પરંતુ આ થઈ શક્યું નહીં.  આખરે બુધવારે ડોક્ટરોએ પરિવારને જવાબ આપતા કહ્યું કે તેમના મગજમાં ઓક્સિજન પહોંચી રહ્યો નથી. તેમના નિધનના સમાચાર આવતા જ વડાપ્રધાન મોદી સહિતના મહાનુભાવો અને ફિલ્મ ઇન્ડસ્ટ્રીના કલાકારોએ દુઃખ વ્યક્...

બનાસકાંઠા જિલ્લામાં જાહેર પ્લોટ હરાજીની પ્રક્રિયા પારદર્શી રીતે કરવામાં આવશે જિલ્લા વિકાસ અધિકારી સ્વપ્નિલ ખરેએ હરાજી સંબંધિત પ્રક્રિયા અંગે નિયમોની માહિતી અને જાણકારી આપી જિલ્લા વિકાસ અધિકારીશ્રી બનાસકાંઠા દ્વારા જિલ્લામાં વર્ષ 2018 માં જાહેર પ્લોટ હરાજીની પ્રક્રિયા પર મુકાયેલો પ્રતિબંધ ઉઠાવી નિયત શરતોને આધીન જાહેર હરાજી ફરી શરૂ કરવાનો નિર્ણય કરવામાં આવ્યો છે. જે અંતર્ગત હરાજીની મંજૂરી મેળવવા માટેની પ્રક્રિયા અને હરાજીની શરતો સહિતની વિવિધ બાબતોની માહિતી અને જાણકારી આપવા જિલ્લા વિકાસ અધિકારીશ્રી સ્વપ્નિલ ખરે દ્વારા એક પત્રકાર પરિષદ યોજાઈ હતી. આ પત્રકાર પરિષદને સંબોધન કરતા જિલ્લા વિકાસ અધિકારીશ્રીએ જણાવ્યું હતું કે, વર્ષ 2018માં સરકારશ્રીની નીતિ મુજબ ગરીબ અને પછાત વર્ગના લાભાર્થીઓને મફત પ્લોટ ફાળવણી માટેની જાહેર હરાજીની પ્રક્રિયામાં કેટલીક ગેરરીતિઓ માલુમ પડી હતી. જેમાં અમુક ગામોમાં ગૌચર જમીન પર પ્લોટ ફાળવણી, સરપંચ કે ગ્રામ અગ્રણીઓના નજીકના સંબંધીઓને પ્લોટ ફાળવણી કે સરકાર દ્વારા નક્કી કરેલ અપસેટ કિંમતથી ઓછી કિંમતે હરાજી થઈ હોવાનું ધ્યાન પર આવતાં જિલ્લામાં પ્લોટ હરાજી સ્થગિત ક...

વડાપ્રધાન નરેન્દ્ર મોદીના જન્મ દિવસ નિમિત્તે ધરોઈથી અંબાજી સુધી સાયકલ યાત્રા યોજાઈ અંબાજી મંદિરના ચાચરચોકમાં સાંસ્કૃતિક કાર્યક્રમ યોજાયો વડાપ્રધાનશ્રી નરેન્દ્ર મોદીના જન્મદિવસ નિમિત્તે મહેસાણાના ધરોઈથી અંબાજી સુધી ૮૨ કિલોમીટર સુધીની સાયકલોથોન યાત્રા યોજાઇ હતી. આ સાયકલોથોન યાત્રા ધરોઈથી વિવિધ ગામડાઓમાંથી પસાર થઇ ૮૨ કિ.મી. ની યાત્રા પૂર્ણ કરી શક્તિપીઠ અંબાજી પહોંચી હતી. આ સાયકલોથોનમાં જોડાયેલા તમામ સાયકલિસ્ટો બાવન ગજની એક ધજા અને ૨૧ નાની ધજાઓ સાથે મા અંબે ના દરબાર મા બોલ માડી અંબે.... જય જય અંબે.... ના નાદ સાથે પહોંચ્યા હતા. આ ટીમની સાથે બૉલીવુડના કલાકાર અને પ્રોડ્યૂસર મિલિન્દ સોમણ પણ જોડાયા હતા અને મા અંબાને ધજાઓ ચઢાવી વડાપ્રધાનશ્રી નરેન્દ્ર મોદીના દીર્ઘાયુ માટે પ્રાર્થના કરી હતી. આ પ્રસંગે ગુજરાત ટુરિઝમ અને યાત્રાધામ વિકાસ બોર્ડ દ્વારા સાંસ્કૃતિક કાર્યક્રમો અંબાજી મંદિરના ચાચરચોકમાં યોજવામાં આવ્યા હતા. જેમાં ધરોઈથી અંબાજી પહોંચેલા તમામ સાયકલિસ્ટો સાથે મોટી સંખ્યામાં શ્રદ્ધાળુઓએ પણ વિવિધ સાંસ્કૃતિક કાર્યક્રમને નિહાળ્યો હતો. જેને લઈ વડાપ્રધાન નરેન્દ્ર મોદીના જન્...

નાની બજાર રોડ ઉપર ત્રીજી વખત વાહનનું ટાયર ફસાયું પાલનપુરમાં ભૂગર્ભ ગટરની કામગીરીમાં કોન્ટ્રાક્ટરે ગેરરીતિ આચરી જેમ તેમ પુરાણ કરીને રસ્તા યથાવત્ છોડી દીધા હોઇ આ વરસાદમાં ઠેર ઠેર માર્ગો ઉપર ભૂવા પડવાના તેમજ રોડ બેસી જતાં વાહનોના ટાયર ફસાવાના બનાવોમાં ચિંતાજનક હદે વધારો થયો છે ત્યારે શુક્રવારે હાથીખાના ચોકથી નાની બજાર તરફ જતા રોડ ઉપર ત્રીજી વખત વાહનનું ટાયર ફસાયું હતું. જેમાં નાની બજાર રોડ ઉપરથી એક લાકડા ભરેલું ટ્રેક્ટર પસાર થઈ રહ્યું હતું ત્યારે ટ્રેક્ટરનું ટાયર રોડમાં ખૂંપી ગયું હતું. જાહેર માર્ગ ઉપર ટ્રેક્ટરનું ટાયર ફસાઈ જતાં તેને બહાર કાઢવા માટે ચાલકને ભારે જહેમત ઉઠાવવી પડી હતી. અત્રે ઉલ્લેખનીય છે કે, એક જ જગ્યા ઉપર ત્રીજી વખત આ રીતે વાહનનું ટાયર ફસાયું હતું. હવે વરસાદ ઓછો થયો છે ત્યારે નગરપાલિકાએ સમગ્ર કોટ વિસ્તારના માર્ગોનો સર્વે કરાવી નવેસરથી દરેક માર્ગ ઉપર રોડનું સમારકામ અને નવીનીકરણ કરાવવું જરૂરી છે. _____________________________________________ રાજ્યના વિવિધ વિભાગોમાં ફરજ બજાવતા કાયમી કે હંગામી કર્મચારીઓ દ્વારા પોતાની પડતર માંગણીઓ મુદ્દે આંદોલન બનાસકાંઠા જિલ્લાના વિવ...