ધી મેસેજ દૈનિક

પાલનપુરના પોલીસ પરેડ ગ્રાઉન્ડમાં " વીરાંજલિ કાર્યક્રમ" યોજાશે કાર્યક્રમના સુચારુ આયોજન અને વ્યવસ્થાના ભાગરૂપે  કલેકટરશ્રી આનંદ પટેલના અધ્યક્ષસ્થાને બેઠક યોજાઇ 100 કરતા વધુ કલાકારો વતનના વિસરાયેલા વીરોની કહાની મલ્ટીમીડિયા શો રૂપે રજૂ કરશે (માહિતી બ્યુરો, પાલનપુર) રાજ્ય સરકારના રમતગમત, યુવા અને સાંસ્કૃતિક પ્રવૃત્તિઓ વિભાગ દ્વારા આઝાદી કા અમૃત મહોત્સવ અંતર્ગત દેશના સ્વાતંત્ર્ય માટે પોતાના પ્રાણની આહૂતિ આપનારા વીર ક્રાંતિકારીઓની શહાદતને સલામ કરતો " વીરાંજલિ કાર્યક્રમ" આગામી 31 ઓગષ્ટે પાલનપુર ખાતે પોલીસ પરેડ ગ્રાઉન્ડમાં યોજાશે. જેમાં વિખ્યાત સાહિત્યકારશ્રી સાંઈરામ દવે સહિતના 100થી વધુ કલાકારો દ્વારા મલ્ટીમીડિયા શૉ થકી વતનના વીસરાયેલા વીરોની વાત રજૂ કરવામાં આવશે. આ કાર્યક્રમના આયોજન અને તૈયારી અંગે જિલ્લા કલેકટરશ્રી આનંદ પટેલના અધ્યક્ષસ્થાને એક બેઠક યોજાઇ હતી.જેમાં વીરાંજલિ કાર્યક્રમના સુચારુ આયોજન અને વ્યવસ્થા અંગે કલેકટરશ્રી આનંદ પટેલે જરૂરી સૂચનો અને માર્ગદર્શન આપ્યું હતું. ગુજરાતના સૌ પ્રથમ મેગા મ્યુઝિકલ ડ્રામા વીરાંજલિની શરુઆત ઐતિહાસિક નગરી પાટણથી થઈ હતી...

અંબાજી દેવસ્થાન ટ્રસ્ટ અને જિલ્લા વહીવટીતંત્ર બનાસકાંઠા દ્વારા જડબેસલાક સુરક્ષા સાથે ભાદરવી પૂનમના મેળાની તડામાર તૈયારીઓ સેવા સુરક્ષા સલામતી અને સહકારના સમન્વયથી  દર્શનાર્થીઓ માટે સુંદર વ્યવસ્થા કરાઈ             કલેક્ટરશ્રી આનંદ પટેલના નેતૃત્વ અને માર્ગદર્શન હેઠળ ભોજન, દર્શન, પાર્કિંગ, વિસામો સહિતની વ્યવસ્થાઓ માટે વહીવટીતંત્રની ટિમો ખડેપગે તૈનાત રહેશે (માહિતી બ્યુરો, પાલનપુર)        શ્રદ્ધા આસ્થા અને ભક્તિના મહાપૂર જ્યાં ઉમટે છે એવા શક્તિપીઠ અંબાજીમાં ભરાતા ભારતના સૌથી મોટા પદયાત્રી મેળા ભાદરવી પૂનમને હવે ગણતરીના દિવસો બાકી છે ત્યારે જિલ્લા વહીવટીતંત્ર બનાસકાંઠા અને અંબાજી દેવસ્થાન ટ્રસ્ટ દ્વારા કલેક્ટરશ્રી આનંદ પટેલના નેતૃત્વ અને માર્ગદર્શન હેઠળ યાત્રિકો અને દર્શનાર્થીઓ માટે દર્શન, વિસામો, ભોજન,પાર્કિંગ સહિતની વ્યવસ્થાઓ સાથે મેળા દરમિયાન યાત્રિકોને કોઈપણ પ્રકારની અગવડ કે અવ્યવસ્થા ઉભી ન થાય એ માટે સુંદર અને સચોટ આયોજન ગોઠવી આ મેળાને યાદગાર બનાવવા વહીવટીતંત્ર સજ્જ બન્યું છે. મેળામાં ઊમટતા માનવમહેરામણને ધ્યાનમાં રાખી...

અંબાજી ભાદરવી પૂનમનો મહામેળો યોજવા તંત્રની તડામાર તૈયારીઓ   અંબાજી ખાતે પ્રવાસન સચિવશ્રી હારીત શુક્લાના અધ્યક્ષસ્થાને સમીક્ષા બેઠક યોજાઇ (માહિતી બ્યુરો,પાલનપુર)          અંબાજી ભાદરવી પૂનમનો મહામેળો યોજવા બનાસકાંઠા જિલ્લા વહીવટી તંત્ર દ્વારા તડામાર તૈયારીઓ ચાલી રહી છે ત્યારે યાત્રધામ અંબાજી ખાતે પ્રવાસન વિભાગના સચિવશ્રી હારીત શુક્લાના અધ્યક્ષસ્થાને મેળાના આયોજન માટે રચાયેલ વિવિધ સમિતિઓના અધ્યક્ષશ્રીઓ સાથે બેઠક યોજાઇ હતી.            આ સમીક્ષા બેઠકમાં પ્રવાસન સચિવશ્રી હારીત શુક્લાએ જણાવ્યું કે, વિશ્વ પ્રસિદ્વ યાત્રાધામ અંબાજી ખાતે દર વર્ષે યોજાતો ભાદરવી પૂનમનો મહામેળો વૈશ્વિક મહામારી કોરોનાના લીધે છેલ્લા બે વર્ષથી બંધ હતો. બે વર્ષના લાંબા વિરામ બાદ આ વર્ષે તા. ૫ થી ૧૦ સપ્ટેમ્બર-૨૦૨૨ દરમિયાન ભાદરવી પૂનમનો મહામેળો યોજાનાર છે ત્યારે શ્રધ્ધાળુઓ માટે આ મેળો યાદગાર બની રહે તેવા સુંદર પ્રયાસો કરીએ. તેમણે કહ્યું કે, માઇભક્તોને કોઇપણ પ્રકારની અગવડ ન પડે તે માટે અને ભાદરવી પૂનમના મેળાને આ વર્ષે વિશેષ બનાવવા માટે રાજ...

દાંતીવાડા ડેમ પૂર્ણ સપાટીએ ભરાતાં ડેમના ચાર દરવાજા ખોલી બનાસ નદીમાં પાણી છોડાયું ડેમ સાઈટ ઉપર હજારોની સંખ્યામાં લોકો ઉમટ્યાં બનાસકાંઠાના ઉપરવાસ રાજસ્થાનમાં થયેલા ભારે વરસાદને કારણે બનાસકાંઠા જિલ્લાના મુખ્ય ડેમ દાંતીવાડામાં પાણીની વિપુલ આવક નોંધાતાં ડેમ છલોછલ ભરાતાં જિલ્લાના લોકોમાં આનંદની લાગણી ફેલાઈ હતી. દરમિયાન બુધવારે દાંતીવાડા ડેમમાં ૩૨૪૦૫ ક્યુસેક પાણીની આવક થતાં ડેમની સપાટી ૬૦૦.૮૦ ફૂટે પહોંચતા ડેમના અધિકારીઓ દ્વારા બુધવારે બપોર બાદ એક પછી એક એમ ડેમના ૪ દરવાજા ખોલી ૨૫ હજાર ક્યુસેકથી વધુ પાણી નદીમાં છોડવામાં આવ્યું હતું. ડેમના દરવાજા ખોલતા અગાઉ તંત્ર દ્વારા સાયરન વગાડી કાંઠા વિસ્તારના લોકોને હાઇએલર્ટ અપાયું હતું અને ડેમનું  પાણી ડીસા તરફની બનાસ નદીમાં છોડવામાં આવ્યું હતું. બનાસ નદીમાં દાંતીવાડા ડેમનું પાણી છોડવામાં આવશે એવી વાતો સવારથી વહેતી થતાં ડેમ ઉપર હજારોની સંખ્યામાં લોકો ઉમટ્યાં હતા  અને આનંદની લાગણી વ્યક્ત કરી હતી. ____________________________________________ PM Kisan યોજનાના આગામી હપ્તા માટે લાભાર્થીઓના બેન્ક ખાતા સાથે આધાર સિડિંગ કરાવવું ફરજીયાત...

મુખ્યમંત્રીશ્રી ભૂપેન્દ્ર પટેલે ગુજરાતના શહીદ જવાનોના આશ્રિતોને સરકાર દ્વારા મુખ્યમંત્રીશ્રીના જવાન રાહત ભંડોળમાંથી ચૂકવવામાં આવતી વિવિધ સહાયમાં માતબર વધારો કરવાનો નિર્ણય કર્યો • ગૃહ રાજય મંત્રીશ્રી હર્ષ સંઘવીએ મુખ્યમંત્રીશ્રીએ કરેલા આ નિર્ણયની વિગતો આપતા વધુમાં જણાવ્યું છે કે શહીદ થનારા જવાનોના કુટુંબિજનોને આ રાહત અને ગેલેન્ટરી એવોર્ડમાં વધારા સિવાય બાકીની અન્ય માંગણી અંગે એક ઉચ્ચ કક્ષાની સચિવશ્રીઓની કમિટિ વિચારણા કરશે અને તેનો અહેવાલ રાજય સરકારને આપશે તેવા આદેશો કરવામાં આવ્યા છે. • પ્રસંગોપાત હાલ માજી સૈનિકોને રાજય સરકારની નોકરીઓમાં જે અનામત આપવામાં આવે છે તે મુજબ વર્ગ-૧ અને ૨ માટે ૧ ટકા, વર્ગ-૩ માટે ૧૦ ટકા અને વર્ગ-૪ માટે ૨૦ ટકા અપાય છે.  • જમીનની માંગણીને સંબંધ છે ત્યાં સુધી માજી સૈનિકોને તેમના કુટુંબનો જીવન નિર્વાહ ચલાવી શકે તે માટે ૧૬ એકર જમીન સાંથણીથી આપવામાં આવે છે તેની વિગતો પણ ગૃહ રાજય મંત્રીશ્રીએ આપી હતી. મુખ્યમંત્રીશ્રીએ જાહેર કરેલા સહાય વધારાની વિગતો આ સાથે સામેલ છે. ____________________________________________ આયુર્વેદ હોસ્પિટલ, વડગામ ખાતે “સુવર્ણપ્રાશનનાં...

રાષ્ટ્રીય સુરક્ષા રણનીતિ સંમેલન -૨૦૨૨નું નવી દિલ્હીમાં સમાપન કેન્દ્રીય ગૃહમંત્રીશ્રીએ દેશના સંરક્ષણ માળખાને મજબૂત કરવા વડાપ્રધાનશ્રીના વિઝન પર આધારિત વિવિધ પહેલોને ઉજાગર કરી કેન્દ્રિય ગૃહમંત્રી શ્રી અમિત શાહે કહ્યું છે કે, દેશના વડાપ્રધાન શ્રી નરેન્દ્ર મોદીએ વર્ષ ૨૦૧૪થી ડીજીપી સંમેલનનું સ્વરૂપ બદલવાનો પ્રયાસ કર્યો છે અને તેનું વિશ્લેષણ કર્યા બાદ આપણે ઘણી સમસ્યાઓનો ઉકેલ શોધવામાં સફળ પણ રહ્યા છીએ. રાષ્ટ્રીય સુરક્ષા સાથે જોડાયેલા મુદ્દાઓને દરેક રાજ્યોએ સર્વોચ્ચ પ્રાથમિકતા આપવી જોઈએ. આ દેશ અને યુવાનોના ભવિષ્યની લડાઈ છે, જેના માટે આપણે એક દિશામાં એક સાથે લડીને કોઈપણ પરિસ્થિતિમાં જીતવાનું લક્ષ્ય છે એમ તેમણે ઉમેર્યું હતું. નવી દિલ્હી ખાતે રાષ્ટ્રીય સુરક્ષા રણનીતિ સંમેલન – ૨૦૨૨નું સમાપન સંમેલનમાં સુરક્ષા વર્તમાન પડકારો પર ઉંડાણપૂર્વક ચર્ચા કરવામાં આવી હતી. આ પ્રસંગે કેન્દ્રીય ગૃહમંત્રીશ્રીએ દેશના સંરક્ષણ માળખાને મજબૂત કરવા વડાપ્રધાનશ્રીના વિઝન પર આધારિત વિવિધ પહેલોને ઉજાગર કરી હતી. કેન્દ્રિય ગૃહમંત્રીએ કહ્યું કે, સરહદી રાજ્યોના ડીજીપીઓએ સરહદી વિસ્તારમાં થઈ રહેલા ડેમોગ્રાફિક પરિવર્ત...

સમાજના છેવાડાના માનવીને પણ વિકાસની મુખ્ય ધારામાં લાવવાની પ્રતિબદ્ધતા વડાપ્રધાનશ્રી નરેન્દ્રભાઈ મોદીના નેતૃત્વની કેન્દ્ર સરકારની દરેક કલ્યાણ યોજનાઓનો મુખ્ય હેતુ છે : મુખ્યમંત્રીશ્રી ભૂપેન્દ્ર પટેલ સમગ્ર ગુજરાતના રાવળયોગી સમાજ સાથે ગાંધીનગરમાં મુખ્યમંત્રી શ્રી ભૂપેન્દ્ર પટેલે સ્નેહમિલન યોજ્યું  મુખ્યમંત્રી શ્રી ભૂપેન્દ્ર પટેલે ગાંધીનગરમાં સમગ્ર ગુજરાતના રાવળયોગી સમાજના સ્નેહમિલનમાં જણાવ્યું કે છેવાડાનો માનવી પણ વિકાસની મુખ્ય ધારામાં આવે તેવી પ્રતિબદ્ધતા સાથે વડાપ્રધાન શ્રી નરેન્દ્રભાઈ મોદીની નેતૃત્વની કેન્દ્ર સરકારે દરેક કલ્યાણ યોજનાઓ ઘડી છે.  વડાપ્રધાનશ્રીએ સૌના સાથ, સૌના વિકાસ, સૌના વિશ્વાસ અને સૌના પ્રયાસથી વિકાસનો જે મજબૂત પાયો નાખ્યો છે, તેને ટીમ ગુજરાત તરીકે અમે આગળ ધપાવી રહ્યા છીએ અને નાનામાં નાના માનવીને પડતી મુશ્કેલીઓ દૂર થાય તેવા સંકલ્પ સાથે અમે કાર્યરત છીએ.  મુખ્યમંત્રી શ્રી ભૂપેન્દ્ર પટેલે જણાવ્યું કે વડાપ્રધાનશ્રીએ વિકાસની રાજનીતિનો જે નવો યુગ શરૂ કર્યો છે તેના પરિણામે સૌ સમાજ-વર્ગો હવે કોઈ પ્રલોભનો કે લોભ લાલચમાં ખેંચાવાને બદલે શ્રી નરેન્દ્રભાઈના મ...

જનતા નગરમાં ભરાયેલા વરસાદી પાણીનો સ્થાનિક મ્યુ. સભ્યોએ પંપ દ્વારા નિકાલ કરાવ્યો પાલનપુર શહેરમાં બુધવારે સવારે પડેલા ધોધમાર વરસાદના કારણે વોર્ડ નંબર ૪ના જનતા નગર વિસ્તારમાં લોકોના ઘરોમાં વરસાદી પાણી ઘુસી ગયા હતા. જેના કારણે સ્થાનિક લોકો મુશ્કેલીમાં મુકાઈ ગયા હતા. આ અંગેની જાણ સ્થાનિક મ્યુ. સભ્ય મહંમદભાઇ મનસુરી અને અબરારભાઈ શેખને થતાં તેમણે વૉટર પંપ મૂકીને રાત્રે ૧૧ વાગ્યા સુધી કામ ચાલુ રાખીને પાણી બહાર કઢાવ્યું હતું હતું તેમજ બીજા દિવસે ગુરુવારે બધી ભૂગર્ભ ગટર લાઇનની ચેમ્બરોની સફાઈ કરાવી કાદવ બહાર કઢાવ્યો હતો. ____________________________________________ પાલનપુર નગરપાલિકાના પ્રમુખપદેથી હેતલબેન રાવલનું સ્વૈચ્છિક રાજીનામું પાલનપુર નગરપાલિકાના પ્રમુખપદેથી હેતલબેન રાવલે ગુરુવારે અચાનક રાજીનામું આપી દેતા નગરપાલિકાના વર્તુળોમાં ચકચાર જવા પામી હતી. અત્રે ઉલ્લેખનીય છે કે, જ્યારથી પાલનપુર નગરપાલિકાના પ્રમુખ તરીકે હેતલબેન રાવલની નિમણૂક થઈ ત્યારથી તેમને પ્રમુખપદેથી હટાવવા માટે ખુદ ભાજપના જ મ્યુ. સભ્યો દ્વારા અનેક પ્રકારના કાવા દાવા કરવામાં આવી રહ્યા હતા. પ્રમુખના વહીવટ સામે...

પાલનપુરમાં ભારે વરસાદના કારણે અનેક વિસ્તારોમાં પાણી ભરાયા : ઘરવખરી પલળી જતાં રહીશોને નુકસાન : ફરી એક વખત રસ્તા ઉપર ભૂવા પડ્યા લડબી નદીમાં થયેલા દબાણોના કારણે પાણી બેક મારતા હાઇવેની સોસાયટીઓમાં પાણીનો ભરાવો                                            કમાલપુરા રોડ                      નાની બજાર                       નાની બજાર                       ભક્તોની લીમડી રોડ                   હાઇવે સોસાયટી                 હાઇવે સોસાયટી                હાઇવે સોસાયટી               જનતા નગર ...

દાંતીવાડા કૃષિ યુનિવર્સિટી ખાતે પ્રભારી મંત્રીશ્રી ગજેન્દ્રસિંહ પરમારના અધ્યક્ષસ્થાને જિલ્લાકક્ષાના ૭૬ મા સ્વાતંત્ર્ય પર્વની ભવ્ય ઉજવણી કરાઇ આજે આપણે બધા ઉન્નત મસ્તકે આઝાદ ભારતમાં શ્વાસ લઇ રહ્યા છીએ એની પાછળ લાખો નામી અનામી મહાન સ્વાતંત્ર્યવીરોના બલિદાન, ત્યાગ અને તપસ્યાની ત્રિવેણી વહી રહી છે: પ્રભારી મંત્રીશ્રી ગજેન્દ્રસિંહ પરમાર (માહિતી બ્યુરો, પાલનપુર)               બનાસકાંઠા જિલ્લાના દાંતીવાડા કૃષિ યુનિવર્સિટી ખાતે અન્ન, નાગરિક પુરવઠો અને ગ્રાહક સુરક્ષાની બાબતોના રાજ્ય મંત્રી તથા જિલ્લાના પ્રભારી મંત્રીશ્રી ગજેન્દ્રસિંહ પરમારના હસ્તે ધ્વજવંદન કરી જિલ્લાકક્ષાના ૭૬ મા સ્વાતંત્ર્ય પર્વની ભવ્ય ઉજવણી કરવામાં આવી હતી.              આ પ્રસંગે મંત્રીશ્રી ગજેન્દ્રસિંહ પરમારે રાજ્યના નાગરિકોને સ્વાતંત્ર્ય પર્વની શુભેચ્છા પાઠવી રાષ્ટ્રની આઝાદીની ચળવળમાં યોગદાન આપનારા અનેક વીરસપુતો સહિત રાષ્ટ્રપિતા પૂજય મહાત્માર ગાંધીજી, સરદાર વલ્લભભાઇ પટેલ, બંધારણના ઘડવૈયા ર્ડા. બાબા સાહેબ આંબેડકરનું સ્મરણ કરી તેમને શ્રધ્ધાંજ...

ધી મેસેજ દૈનિકનો ૨૩માં વર્ષમાં પ્રવેશ...  અન્યાય, અત્યાચાર અને આતંક સામે છેલ્લા ૨૨ વર્ષોથી લડત ચલાવી રહેલ ધી મેસેજ દૈનિકનો આજે ૨૩માં શુકનવંતા વર્ષમાં પ્રવેશ થયો છે. આપ સૌ જાણો છો તેમ ૧૫મી ઓગસ્ટના આ ક્રાંતિકારી દિન ૧૫.૦૮.૨૦૦૧ના દિવસે ક્રાંતિકારી સંત શ્રધ્ધેય સ્વામી સચ્ચિદાનંદજીના હસ્તે ધી મેસેજ દૈનિકની ક્રાંતિની જ્યોત પ્રજ્વલિત થઈ હતી. ધી મેસેજ દૈનિક આ શુભ પ્રસંગે આપ સૌ ખમીરવંતા વાચકો, કદરદાન ચાહકો અને દિલેર જાહેરખબરદાતાઓનો આજદિન સુધી મળેલ સાથ, સહકાર અને સહયોગ બદલ આભાર માની આગામી દિવસોમાં પણ એ જ રીતે આપનો પ્રેમ, હુંફ અને સહયોગ મળતો રહેશે એવી અપેક્ષા રાખે છે... સૌ રાષ્ટ્રપ્રેમી નાગરિકોને આજના ૭૬માં સ્વાતંત્ર્ય પર્વની શુભકામનાઓ... એમ. કે. સૈયદ  તંત્રી ધી મેસેજ દૈનિક ____________________________________________ સ્વાતંત્ર્ય સેનાનીના પરિવારના બાળકોનો રાષ્ટ્રપ્રેમ... સ્વાતંત્ર્ય સેનાની સૈયદ ખૂબમિયાં આઝાદના પરિવારના બાળકોએ ૧૪મી ઓગસ્ટની પૂર્વ સંધ્યાએ તેમના ઘર ઉપર લગાવેલા રાષ્ટ્રધ્વજને સલામી આપી પોતાનો રાષ્ટ્રપ્રેમ ઉજાગર કર્યો હતો... _____________________________...